ილიას სახელმწიფო უნივერსიტეტი დაფუძნდა 2006 წელს, განსხვავებული და ხანგრძლივი ისტორიის მქონე, 6 ინსტიტუტის გაერთიანების შედეგად. ამას წინ უძღოდა უცხო ენების სახელმწიფო ინსტიტუტის დაარსება 1948 წელს. ილიას სახელმწიფო უნივერსიტეტი, 50-მდე საბაკალავრო და სამაგისტრო პროგრამით გამოირჩევა. იგი ასევე, რეფორმების კუთხით, საქართველოს წამყვან უნივერსიტეტებს შორისაა. განსაკუთრებული ყურადღება ეთმობა ახალი ინიციატივების შემუშავებას და აკადემიურ თავისუფლებას სწავლისა და კვლევის სფეროში. ილიას სახელმწიფო უნივერსიტეტთან პარტნიორობით, კონრად ადენაუერის სახელობის ფონდს, აღებული აქვს ვალდებულება, ხელი შეუწყოს ახალგაზრდა, ნიჭიერ სტუდენტებს და ამის დასტურად, ფონდი, ყოველწლიურად, შერჩეული სტუდენტებისთვის, პროექტს, „პოლიტიკური განათლების აკადემია“ ახორციელებს.

მშვიდობის, დემოკრატიის და განვითარების კავკასიურ ინსტიტუტს (CIPDD), ათწლეულების განმავლობაში, დიდი წვლილი მიუძღვის საქართველოში, დემოკრატიის განვითარების კუთხით. ინსტიტუტის საქმიანობის ძირითად პრინციპებს წარმოადგენს, კანონის უზენაესობის საფუძველზე, სამოქალაქო საზოგადოებისა და საჯარო ინსტიტუტების გაძლიერება. კონრად ადენაუერის სახელობის ფონდი, მშვიდობის, დემოკრატიის და განვითარების კავკასიურ ინსტიტუტთან, 2012 წლიდან თანამშრომლობს და ძირითადად, ფოკუსირებულია საზოგადოებრივ და რელიგიურ საკითხებზე, რაზეც მეტყველებს პროექტი „მსოფლიო რელიგიათა კლუბი“, რომელიც ტარდება თბილისსა და რეგიონებში.

ქართული ლიტერატურული ინიციატივის (LIG) მიზანია კულტურათაშორისი დიალოგის გაღრმავება, ლიტერატურული და კულტურული ურთიერთობების განვითარება. იგი ასევე ემსახურება, საქართველოს კულტურული სივრცის პოპულარიზაციასთან ერთად, სიტყვისა და გამოხატვის თავისუფლებისა და პოლიტიკური განათლების ხელშეწყობას. კონრად-ადენაუერის ფონდთან ერთად, ქართული ლიტერატურული ინიციატივა, 2020 წლიდან ახორციელებს დიალოგის პროგრამას ქართველებსა და აფხაზებს შორის, რომლის მიზანია კონფლიქტების ტრანსფორმაციის ხელშეწყობა და კულტურული ურთიერთობების განვითარება.

საქართველოს პოლიტიკის ინსტიტუტი (GIP), კონრად ადენაუერის სახელობის ფონდის ერთ-ერთი სანდო პარტნიორია, რომელიც წარმოადგენს არაკომერციულ, არაპარტიულ, კვლევით და ანალიტიკურ ორგანიზაციას. მისი მიზანია დემოკრატიული ინსტიტუტების გაძლიერება და კარგი მმართველობის დამყარება საქართველოში. ფონდი, საქართველოს პოლიტიკის ინსტიტუტთან თანამშრომლობით, ახორციელებს საერთაშორისო პოლიტიკაზე ერთობლივ პროექტებს, რომლებიც ძირითადად, დაკავშირებულია სამხრეთ კავკასიის ქვეყნების საგარეო და უსაფრთხოების პოლიტიკასთან.

საქართველოს პარლამენტის ევროპასთან ინტეგრაციის კომიტეტი პასუხისმგებელია ქვეყნის განვითარებაზე, ევროკავშირში გაწევრიანების კუთხით. კონრად ადენაუერის სახელობის ფონდის მხარდაჭერა, ქვეყნის ევროპასთან ინტეგრაციის პროცესში, გამოიხატება ერთობლივი ღონისძიებებისა და დისკუსიების განხორციელებით.

„ჭავჭავაძის ცენტრი“ ევროპული პოლიტიკური ფონდების ანალოგიით დაფუძნებული პირველი სამოქალაქო ორგანიზაციაა საქართველოში. როგორც არაკომერციული ცენტრი, იგი ორიენტირებულია დემოკრატიის ხელშეწყობაზე და ქვეყანაში უფრო გამჭვირვალე და ანგარიშვალდებული პოლიტიკური სისტემის შექმნაზე. „ჭავჭავაძის ცენტრი“, კონრად ადენაუერის სახელობის ფონდთან ერთობლივად, როგორც სამოქალაქო საზოგადოების პოლიტიკურ განათლებას საქართველოში, ასევე შიდაპარტიული დემოკრატიის განვითარებას უწყობს ხელს.

ერევნის სახელმწიფო უნივერსიტეტი სომხეთის ერთ-ერთი უდიდესი უნივერსიტეტია. 1919 წელს დაარსებული სახელმწიფო უნივერსიტეტი არის სომხეთის უძველესი, უწყვეტად მოქმედი საჯარო უნივერსიტეტი. კონრად ადენაუერის სახელობის ფონდი სომხეთში, მუშაობს ევროპული კვლევების ცენტრთან, ისვე როგორც უნივერსიტეტის იურიდიულ ფაკულტეტთან ერთობლივად. ამ უკანასკნელთან ერთად, წარმატებით დაინერგა და განვითარდა სამაგისტრო პროგრამა მედია სამართალში.

კონრად ადენაუერის სახელობის ფონდი, 2017 წლიდან, წარმატებით თანამშრომლობს სომხეთის განათლების, მეცნიერების, კულტურისა და სპორტის სამინისტროსთან. ამ დროის განმავლობაში, შემუშავებულ იქნა 11-ე კლასის ზემოთ მოსწავლეებისთვის, სამოქალაქო განათლების შესახებ სახელმძღვანელო. ასევე, გამოცემულ იქნა მასწავლებლის მომზადების მეთოდური წიგნი, რომლის გამოყენებითაც, ფონდი ახორციელებს სკოლების მასწავლებელთა ტრენინგებს, მთელი ქვეყნის მასშტაბით. ამ კონკრეტული სახელმძღვანელოს დახმარებით, რეგიონებში, უკვე 500 მასწავლებელი გადამზადდა.

სომხეთის იუსტიციის აკადემიასა და კონრად ადენაუერის სახელობის ფონდს შორის, წარმატებული თანამშრომლობა, 2021 წლიდან არსებობს. ერევნის სახელმწიფო უნივერსიტეტში, მედია სამართლის სამაგისტრო პროგრამის დაარსებასთან დაკავშირებით, იუსტიციის აკადემიამ ფონდთან თანამშრომლობით, გადაამზადა მოსამართლეები, გამომძიებლები, საჯარო პროკურორები და შექმნა კურიკულუმი, მედიის სამართლის სფეროში. გარდა ამისა, თანამშრომლობა ფოკუსირებულია, სომხეთში, ადამიანის უფლებებისა და სასამართლოს დამოუკიდებლობის სფეროებზე.

ომბუდსმენის ინსტიტუტი სომხეთში, 2004 წელს დაარსდა. „ადამიანის უფლებათა დამცველის შესახებ“ კანონის საფუძველზე, რომელიც 2004 წელს ამოქმედდა, ომბუდსმენის ინსტიტუტი სომხეთში, საკონსტიტუციო-სამართლებრივი სტატუსის მატარებელია. ფონდი და ომბუდსმენის ინსტიტუტი ერთობლივად, მუშაობენ სომხეთში, ადამიანის უფლებების მდგომარეობაზე. თანამშრომლობის წყალობით, შესაძლებელი გახდა კანონპროექტების ინიცირება და რეფორმების განხორციელება.

სომხეთის ლიტერატურის ფონდი, როგორც არაკომერციული ორგანიზაცია, დაარსდა 2018 წელს. იგი მხარს უჭერს სომხური წიგნის ბაზრის განვითარების პროექტებს და ჩართულია სომეხი ახალგაზრდების კითხვისა და წერის უნარების პოპულარიზაციაში. ფონდთან თანამშრომლობით, მიზანია გაუმჯობესდეს საერთაშორისო დიალოგის ფორმატი. ამ თანამშრომლობით, ყურადღება გამახვილებულია კულტურისა და პოლიტიკის ურთიერთქმედებებზე, რასაც ცხადჰყოფს, კონრად ადენაუერის სახელობის ფონდის მიერ, საერთაშორისო მწერლობის ბანაკის მხარდაჭერა.

რობერტ შუმანის სახელობის ინსტიტუტი (RSI) არის ევროპის სახალხო პარტიის ევროპული საგანმანათლებლო ინსტიტუტი, რომლის სათავო ოფისი უნგრეთში მდებარეობს. კორად ადენაუერის სახელობის ფონდი, რობერტ შუმანის სახელობის ინსტიტუტთან ერთობლივად, ახორციელებს სხვადასხვა პროექტებს დემოკრატიის განვითარებისა და ახალგაზრდების ხელშეწყობის კუთხით, აღმოსავლეთ და ცენტრალური ევროპის ქვეყნებში.

ედუარდო ფრაის სახელობის ფონდი დაარსდა 1990 წელს, ბერლინის კედლის დაცემიდან, ერთი წლის შემდეგ, ახალ მეზობლებთან ურთიერთობის დამყარების მიზნით. ედუარდო ფრაის სახელობის ფონდი, კონრად ადენაუერის სახელობის ფონდის ერთ-ერთი მნიშვნელოვანი პარტნიორია, რომელიც მას მიზნების განხორციელებაში ეხმარება. ორ ორგანიზაციას შორის თანამშრომლობა, დემოკრატიის განვითარებაზე, პოლიტიკური პარტიების მუშაობასა და ახალგაზრდებისა და ქალების ლიდერობის გაძლიერებაზე არის ორიენტირებული.