კონრად ადენაუერის სახელობის ფონდის (KAS) სომხეთის ოფისი, სომხეთის ვორლდ ვიჟენის (WVA), მედია ინიციატივების ცენტრთან (MIC) და გიუმრის "ახალგაზრდული ინიციატივების ცენტრთან" (YIC) პარტნიორობით, ახორციელებს პროექტს სახელწოდებით, "ახალგაზრდების აქტივობა: ახალგაზრდების გაძლიერება და ლიდერობის განვითარება სომხეთში.
პროექტი მიზნად ისახავს, სომხეთის სამოქალაქო საზოგადოებაში, შესაძლებლობებისა და თანამშრომლობის გაღრმავებას, ახალგაზრდების განათლებისა და გაძლიერების უზრუნველყოფას, მომავალი ლიდერების განვითარებისა და ქვეყნის სოციალურ, პოლიტიკურ და საზოგადოებრივ ცხოვრებაში, მათი აქტიურად ჩართულობის ხელშეწყობის გზით. პროექტი ხელს შეუწყობს ახალგაზრდულ სამოქალაქო საზოგადოების ორგანიზაციებს, ახალგაზრდულ ინიციატივებს, მათ შორის ახალგაზრდა ლიდერებს და მენტორებს, ახალგაზრდა პოლიტიკოსებს, ციფრული საქმოსნობის გავლენის ქვეშ მყოფ ახალგაზრდებს, ვიდეო ბლოგერებს, პოდკასტერებს, ადგილობრივ და ეროვნულ დონეზე გადაწყვეტილების მიმღებ პირებს.
პროექტი მიზნად ისახავს, ახალგაზრდული სამოქალაქო საზოგადოების ორგანიზაციების აღჭურვას ყველა საჭირო შესაძლებლობებით, რათა მათ უკეთესი მენეჯმენტის, მართვისა და რესურსების გამოყენების საშუალება მიეცეთ. ახალგაზრდა პროფესიონალები ისარგებლებენ ადგილობრივ ორგანიზაციებში, სტაჟირებისთვის გათვალისწინებული სტიპენდიებითაც, რაც მათ ხელს შეუწყობს, დაეუფლონ, მრავალფეროვან გარემოში მუშაობის პროფესიულ უნარ-ჩვევებს, თემის საკითხებს, ადგილობრივი ინიციატივების შემუშავებასა და განხორციელებას. აქტივობა ითვალისწინებს ახალგაზრდებში, საჯარო მენეჯმენტის უნარების დაუფლებას სომხეთის საკანონმდებლო, აღმასრულებელი და სასამართლო ხელისუფლების პასუხისმგებლობების მიმართ, სიმულაციური აქტივობების მეშვეობით, ახალგაზრდებისა და მოზარდების ადვოკატირების უნარების განვითარებას, მათ შორის, ადვოკატირების და პოლიტიკის შემუშავებას.
განხილული, შემუშავებული და შემოთავაზებული იქნება ახალგაზრდა მუშაკთა ინსტიტუტი, მისი პირობები, კომპეტენციები და ვალდებულებები, რაც გაზრდის პროფესიის უკეთ გაგებას, მნიშვნელობას და მის აუცილებლობას. ახალგაზრდა ლიდერები და მენტორები წარმოაჩენენ თავიანთ თეორიულ და ემპირიულ გამოცდილებას, მიღწევებს, ნოუ-ჰაუს და მიღებულ ცოდნას გამოიყენებენ, გადაწყვეტილებების მიღების პროცესებში, შესწავლასა და ახალგაზრდული დღის წესრიგის შექმნის მიზნით. ახალგაზრდა ლიდერები ასევე, გააუმჯობესებენ მედიაწიგნიერებას, საჯარო გამოსვლის, კომუნიკაციისა და ქსელურ უნარებს, რათა შეძლონ საზოგადოებისთვის სწორი გზავნილის მიწოდება.
მოსალოდნელი შედეგები:
- სომხეთში, გაძლიერებული ახალგაზრდების შესაძლებლობები საზოგადოებრივ საქმეებში, ადგილობრივ თემებში, სამოქალაქო საზოგადოებასა და პოლიტიკაში მნიშვნელოვანი მონაწილეობისთვის.
- ლიდერობისა და კრიტიკული აზროვნების, დემოკრატიული მოქალაქეობის, საჯარო პოლიტიკისა და კანონშემოქმედებითი პროცესებში, ახალგაზრდების უნარ-ჩვევების და/ან ცოდნის გაზრდა.
- ახალგაზრდა მუშაკებისა და ახალგაზრდული სამოქალაქო საზოგადოების ორგანიზაციების ტექნიკური შესაძლებლობებით, უზრუნველყოფის გაზრდა.
- ლიდერობის პროგრამები პილოტირდება და ინსტიტუციონალიზებულია ადგილობრივ და ეროვნულ დონეზე.
- სომეხი მოსახლეობის ცნობიერების ამაღლება, ახალგაზრდებთან დაკავშირებულ თემებზე, მათ შორის მედიაწიგნიერება, ფაქტების შემოწმება, ციფრული მოქალაქეობა და კონტენტის შექმნა.
ხანგრძლივობა: 01.03.2023 – 30.06.2026 (40 თვე)
პროექტის მთლიანი ბიუჯეტი: 2.000.000 ევრო
ევროკავშირის წვლილი: 1.200.000 ევრო
თანადაფინანსება: 800,000 ევრო (კონრად ადენაუერის სახელობის ფონდი - KAS)
ადგილმდებარეობა: სომხეთი
წამყვანი პარტნიორი: KAS-ის ოფისის სომხეთის ფილიალი
განმახორციელებელი პარტნიორები:
ვორლდ ვიჟენ სომხეთი (WVA)
მედია ინიციატივების ცენტრი (MIC)
გიუმრის "ახალგაზრდული საინიციატივო ცენტრი" (YIC)
