Градењето мостови на соработка е еден од клучните приоритети на Фондацијата Конрад Аденауер. Токму затоа оваа конференција на политичките партии од десниот центар во земјата претставува важен почеток на еден таков позитивен процес со кој се надминуваат етничките бариери и се поставува основа за плодна соработка во насока на натамошно зацврстување на европската иднина на државата.
Конференцијата ја отворија преку свои видео обраќања официјалниот претставник на КАС во Скопје, Норберт Бекман-Диркес и Пауло Рангел, Потпретседател на Групата на Европската народна партија во Европскиот парламент. Со свои излагања земаа учество и претседателот на ВМРО-ДПМНЕ, Христијан Мицкоски, Претседател на Алијансата за Албанците, Зијадин Села, Претседател на Алтернатива, Африм Гаши и Арбен Кашаху, Меѓународниот секретар на Демократската партија на Албанија.