Дан нийтлэл
Хуулийн зорилго нь үзэн ядалтын гэмт хэрэгт эрүүгийн хариуцлага хүлээлгэх, худал мэдээ түгээлт болон бусад контенттэй нийгмийн сүлжээний талбарт илүү үр дүнтэй тэмцэхэд оршино. Үүнд жишээ нь гутаан доромжлох, цуу тараах, гүтгэх, олон нийтийг гэмт хэрэгт уриалах, яс үндэстэнг дайсагнуулах, хүчирхийллийг сурталчлах, заналхийлэх үйлдлүүд багтана. Хэрэглэгчдийн гомдлуудыг, ялангуяа үзэн ядалтын гэмт хэрэг, бусад эрүүгийн хариуцлага хүлээлгэх контентийн тухай санал хүсэлтүүдийг илүү шуурхай, цогцоор нь шийдвэрлэхийг нийгмийн сүлжээ эрхлэгчдэд даалгаж, СүлжээХХ хуулиар нийгмийн сүлжээний тохирлын дүрмүүдийг нэвтрүүлсэн болно.
Үүнд тухайн нийгмийн сүлжээ нь үзэн ядалтын гэмт хэрэг, бусад эрүүгийн хариуцлага хүлээлгэх контентэд хэрхэн хандаж байгааг тайлагнах хуулийн үүрэг, гомдлуудыг үр дүнтэй зохицуулах удирдлагын зохион байгуулалт, Герман улсад оршин суух гомдол хүлээн авагчийг томилох заалтууд багтана. Энэхүү үүргүүдийг зөрчсөн тохиолдолд аж ахуйн нэгж, хяналт тавих үүрэгтэй албан тушаалтныг торгож болно. Үүнээс гадна нийгмийн сүлжээнд хүний эрхийг зөрчсний улмаас хохирсон иргэдэд шүүхийн шийдвэрийг үндэслэн эрх зөрчигчдийн бүртгэлийн мэдээллийг сүлжээ эрхлэгчээс авах боломж олгосон юм.
