Forum me studentë mbi çështje të drejtësisë tranzitore

Details

Si vazhdimësi e aktiviteteve të mëparshme ndërgjegjësuese me të rinjtë, Prezenca e OSBE-së dhe KAS do të organizojnë dy forume me të rinjtë për të diskutuar çështjet që kanë të bëjnë me drejtësinë tranzitore në përgjithësi dhe çështjen e personave të zhdukur nga regjimi komunist në veçanti.

Forumet do të organizohen në Elbasan dhe Shkodër, në bashkëpunim me universitetet publike si dhe me institucionet që trajtojnë drejtësinë tranzitore në vend.

Ato do të shërbejnë për të rritur ndërgjegjësimin e studentëve për mizoritë e regjimit komunist, çështjen e ndjeshme të personave të zhdukur nga e kaluara komuniste, si dhe për t'i njohur ata me gjetjet e punimeve kërkimore për personat e zhdukur. Aktivitetet do të synojnë veçanërisht të hedhin dritë mbi situatën e grave të zhdukura nga e kaluara komuniste.