Raporti është përgatitur nga një grup pune, i përbërë nga ekspertë të pavarur dhe të Shoqatës së Bashkive të Shqipërisë. Ai bazohet në analizimin e gjetjeve të identifikuara nga:
-
Veprimtaria e Shoqatës së Bashkive përgjatë periudhës që raportohet dhe nga historiku i eksperiencës së gjatë dhe profesionale qe ka shoqata dhe stafi i saj në monitorimin e demokracisë dhe decentralizimit vendor, dhe reformave në administratën publike.
-
Raporti është hartuar në një terren të njohur, edhe nga pjesmarrje aktive ne takimet e Keshillit Konsultative pushtet qendor-pushtet vendore, ku strategji, ligje dhe udhezime ishin teme diskutimi dhe opinionesh, pjesëmarrje ne takime me institucionet qendrore, qasja e te cilave ka qene shume perfshirese.
-
Opinionet dhe qëndrimet e Shoqatës mbi situaten aktuale dhe proceset përkatëse, mbi kuadrin ligjor në dinamikën e tij, konkluzionet dhe rekomandimet dalë nga takimet e forumeve teknike në fushat e veprimtarisë së qeverisjes vendore, opinione dhe rekomandime nga takimet rajonale me grupe interesi dhe stafet teknike dhe shoqeri civile.
-
Informacione nga burime të tjera nga bashkëpunimi dhe zbatimi i projekte, donatorë, ekspertë e partnerë të Shoqatës së Bashkive.
-
Hulumtime të raporteve, botimeve apo artikujve të ndryshëm të pregatitur si pjesë e qendrimeve, projekteve apo e veprimtarisë së institucioneve të ndryshme publike që veprojnë në fushën e pushtetit vendor.
-
Rezultate krahasimore të performancës së pushtetit vendor mes Shqipërisë dhe vendeve të tjera të rajonit të Europës Juglindore, të mundësuara nga NALAS (Rrjeti i Shoqatave të Autoriteteve Vendore për Europën Juglindore), ku Shoqata e Bashkive është anëtare aktualisht.