Përmes reportazheve, fotografive dhe dokumentimeve autoritetet duhet të bëhen më të vetëdijshëm për problemet dhe situatën alarmante, por mbi të gjitha, synohet t'u jepet të rinjve shqiptarë një perspektivë shpresëdhënëse për jetën në vendin e tyre.
Aktivitetet kryesore ishin:
- Bidesë për migracionin me kursantë të gjuhës gjermane pranë Goethe-Zentrum Tiranë:
Kursantët e Goethe-Zentrum folën për arsyet e tyre për të mësuar gjermanisht dhe për synimet që ata kanë në të ardhmen. Një pikë e veçantë në këtë shkëmbim ishte konflikti midis pritshmërive dhe realitetit të migracionit. U diskutua vecanërisht mbi përfytyrimin ideal që kanë të rinjtë shqiptarë për jetën në Gjermani dhe perspektivat që ofron emigracioni në këtë vend.
- Udhëtimi studimor për në Jug të Shqipërisë:
Gjatë këtij udhëtimi, grupi pati mundësinë të vizitojë fshatin e peshkimit të Nartës afër Vlorës. Interes të vecantë zgjoi edhe gjendja e industrisë së peshkimit në këtë si dhe pakica greke, gjeneratat e reja të së cilës kanë emigruar kryesisht në Greqi.
- Udhëtimi studimor në Veri të Shqipërisë:
Gjatë këtij udhëtimi, u vizituan qytetet e vogla Rubik dhe Kukës. Industria e minierave në këtë rajon u çmontua pas përfundimit të regjimit Hoxha, i cili gjithashtu pati si pasojë edhe mbylljen e shumë vendeve të punës. Përvec këtyre vendeve u vizituan edhe qyteti i Shkodrës, fshati i peshkimit Zogaj në kufi me Malin e Zi dhe fashati Torovicë.
Produkt i këtij projekti është botimi i sapo publikuar "Fshatrat fantazmë: Emigrimi versus burimet potenciale të Shqipërisë", i cili pëmban reportazhe, ese, fotografi dhe filmime me synimin që të ndërgjegjësojmë institucionet politikëbërëse dhe menaxhuese, të rrisim ndjeshmërinë e individit për fatet e vendit, dhe kryesisht të inkurajojmë një perspektivë të re të të rinjve ndaj vendit të tyre, si shpresë dhe përgjegjësi.
