NDIKIMI I COVID-19 NË TRANSFORMIMIN DIGJITAL

Pashmangshmërisht, ngjashëm me shtetet e tjera të botës, pandemia COVID-19 ndikoi negativisht edhe ekonominë Kosovare, si rezultat i rënies së aktivitetit ekonomik nga mbyllja e ekonomisë. Kështu, Covid-19 ka pasur një ndikim të madh në biznese, shoqëri dhe ekonominë në përgjithësi dhe ka përshpejtuar ndjeshëm nevojën për tranformimin digjital të kompanive. Mes tjerash, Covid-19 ka ndërtuar një narrativë të re për mënyrën e të bërit biznes duke marrë parasysh ndryshimet e shkaktuara për kompanitë e të gjitha sektorëve. Prandaj, është e rëndësishme të diskutohet për mënyrat se si kompanitë të orientohen drejt zbutjes së pasojave ekonomike të pandemisë dhe të përshtaten në përputhje me rrethanat për ti bërë ballë asaj.