Buchpräsentation
Details
Уг номыг Конрад-Аденауэр Сангийн санхүүжилтээр Монгол Улсын Хүний Эрхийн Үндэсний Комисс (ХЭҮК)-оос эрхлэн гаргасан билээ. Энэхүү ном нь Монголын иргэн бүрт хүрч, улмаар иргэд тухайн номноос хүний эрхийн талаар илүү сайн ойлголттой болно гэдэгт найдаж буйгаа уг арга хэмжээний үеэр ХЭҮК-ийн дарга Ж. Бямбадорж илэрхийлж байв.
Мөн ноён Бямбадорж, уг номыu хэвлүүлэхэд дэмжлэг туслалцаа үзүүлсэн Конрад-Аденауэр Сангийн суурин төлөөлөгч ноён Йоханнес Рай болон сангийн хамт олонд талархаж буйгаа илэрхийлсэн юм.
Ноён Рай уг арга хэмжээний үеэр хэлсэн үгэндээ „Эрх чөлөө гэдэг бол хүний хамгийн үнэт зүйл“ болохыг онцлон дурдсаны сацуу бидний эрх чөлөөг өдөр бүр шинэ соргогоор манаж байдаг ХЭҮК зэрэг байгууллага байдаг нь чухал болохыг цохон тэмдэглэв. Тэрээр мөн Конрад-Аденауэр Сан болон ХЭҮК-ийн хамтын ажиллагааг өндрөөр үнэлж явдгаа илэрхийлсэн билээ.
Энэ арга хэмжээнд мөн НҮБ-ын Монгол дах суурин төлөөлөгч хатагтай Сэзин Синаноглу оролцож, үг хэлсэн. Тэрээр хэлсэн үгэндээ, Монгол Улсад хүний эрхийн чиглэлээр хийгдсэн ажлыг үнэлж буйгаа илэрхийлж, НҮБ-ын энэ жилийн урианы жишгээр ("My voice counts") хүний эрхийн өдөрт „Өөрийн дуу хоолойгоо нэгтгэ!“ ("Make your voice count!") гэсэн урианд мөн нэгдэхийг уриалсан билээ. Конрад-Аденауэр Сан болон ХЭҮК хамтран „Хүний эрхийн товч тайлбар“ ном хэвлүүлсэн гаргасныг тэрээр магтан сайшаасан юм.
