Թբիլիսիի Իլյայի պետական համալսարանը հիմնադրվել է 2006 թվականին՝ 6 ակադեմիական հաստատությունների միավորումից հետո։ Դրան նախորդել է Օտար լեզուների պետական ինստիտուտի հիմնադրումը 1948 թվականին։ Շուրջ 50 բակալավրի և մագիստրոսական ծրագրերով պետական համալսարանն ունի ուշագրավ ծրագիր։ Պետական համալսարանը հավակնում է լինել Վրաստանում որպես բարեփոխումների առաջամարտիկ և հատուկ ուշադրություն է դարձնում նոր նախաձեռնություններին և ակադեմիական ազատությանը՝ կապված դասավանդման, ուսումնասիրության և հետազոտության հետ: Որպես գործընկեր, ԿԱՀ-ը աջակցում է երիտասարդ ուսանողներին և համատեղ կազմակերպում է, օրինակ՝ KAS Academy-ն:

Խաղաղության, ժողովրդավարության և զարգացման Կովկասի ինստիտուտը (CIPDD) տասնամյակներ շարունակ արժեքավոր ներդրում է ունեցել Վրաստանում ժողովրդավարության զարգացման գործում: Իրականացվում են միջոցառումներ՝ ուղղված քաղաքացիական հասարակության կամ հանրային հաստատությունների հզորացմանը՝ հիմք ընդունելով օրենքի գերակայությունը: ԿԱՀ-ի և CIPDD-ի միջև 2012 թվականից սկիզբ դրված համագործակցության շրջանակներում հանրային թեմաները գտնվում են ուշադրության կենտրոնում: Թբիլիսիում և մարզերում գործող կրոնական ակումբը օրինակներից մեկն է։

Literature Initiative Georgia (LIG)-ն /հայ․՝ Վրաստանի գրականության նախաձեռնություն/ իր առջև նպատակ է դրել զարգացնել միջմշակութային երկխոսությունը և բարելավել գրական և մշակութային համագործակցությունը Վրաստանում: Վրաստանի մշակութային տարածքի խթանումը իրականացվում է խոսքի և կարծիքի ազատությանը և քաղաքական կրթությանը աջակցող միջոցառումներով։ Կոնրադ Ադենաուեր հիմնադրամի հետ միասին LIG-ը 2020 թվականից խթանում է վրացիների և աբխազների միջև երկխոսությունը և հակամարտությունների փոխակերպումը՝ նպատակ ունենալով երկու հասարակությունների միջև մշակութային կամուրջ ստեղծել:

Քաղաքականության վրացական ինստիտուտի (GIP) միջոցով ԿԱՀ-ն իր կողքին ունի հուսալի գործընկեր: Շահույթ չհետապնդող, անկուսակցական վերլուծական կենտրոնը նպատակ ունի ամրապնդել ժողովրդավարական հաստատությունները և նպաստել Վրաստանում լավ կառավարման կայացմանը: Միջազգային քաղաքականության վերաբերյալ համատեղ նախագծերը հաճախ առնչվում են Հարավային Կովկասի երկրների արտաքին և անվտանգության քաղաքականությանը։

Վրաստանի խորհրդարանի ԵՄ ինտեգրման հարցերի հանձնաժողովը պատասխանատու է ԵՄ-ին անդամակցելու ուղղությամբ տարվող աշխատանքների համար: ԿԱՀ-ն աջակցում է ինտեգրացիոն գործընթացին համատեղ միջոցառումներով և քննարկումներով։

Ճավճավաձե կենտրոնը գործում է եվրոպական քաղաքական հիմնադրամների մոդելով։ Իլյա Ճավճավաձեի անունը կրող, շահույթ չհետապնդող հաստատությունը գործում է՝ ի աջակցություն ժողովրդավարության խթանմանը և երկրում ավելի թափանցիկ և հաշվետու քաղաքական համակարգ ձևավորելուն: Կուսակցական պատկանելություն չունեցող կենտրոնը ԿԱՀ-ի հետ միասին աջակցում է Վրաստանում քաղաքացիական հասարակության քաղաքական կրթությանը, ինչպես նաև ներկուսակցական ժողովրդավարությանը։

Երևանի պետական համալսարանը Հայաստանի խոշորագույն բուհերից է։ Հիմնադրվելով 1919 թվականին՝ ԵՊՀ-ն Հայաստանում շարունակաբար գործող ամենահին պետական համալսարանն է։ Կոնրադ Ադենաուեր հիմնադրամը Հայաստանում աշխատում է ԵՊՀ Եվրոպական ուսումնասիրությունների կենտրոնի, ինչպես նաև իրավագիտության ֆակուլտետի հետ: Վերջինիս հետ հաջողությամբ մշակվել և ներդրվել է «Մեդիա իրավունք» մագիստրոսական ծրագիրը:

Կոնրադ Ադենաուեր հիմնադրամը 2017 թվականից հաջողությամբ համագործակցում է Հայաստանի կրթության, գիտության, մշակույթի և սպորտի նախարարության հետ։ Սույն համագործակցության շրջանակներում մշակվել է 11-րդ դասարանի «Հասարակագիտություն» առարկայի ուսումնաօժանդակ և մեթոդական նոր ձեռնարկներ, որոնց հիման վրա հիմնադրամը կազմակերպում է ուսուցիչների վերապատրաստում ամբողջ հանրապետությունում։ Այս կերպ մարզերում վերապատրաստվել է արդեն շուրջ 500 ուսուցիչ։

ՀՀ Արդարադատության ակադեմիայի և ԿԱՀ-ի միջև հաջող համագործակցությունը սկսվել է 2021 թվականից: Երևանի պետական համալսարանում ներդրված «Մեդիա իրավունք» մագիստրոսական ծրագրի հիման վրա Արդարադատության ակադեմիան հիմնադրամի հետ միասին վերապատրաստել է դատավորներ, քննիչներ և դատախազներ և ներդրել համանուն ուսումնական ծրագիր: Այս համագործակցության շրջանակներում մարդու իրավունքների և դատական համակարգի անկախության թեմաները ևս գտնվում են ուշադրության կենտրոնում:

2004 թվականին Հայաստանում հիմնադրվել է Մարդու իրավունքների պաշտպանի գրասենյակը։ «Մարդու իրավունքների պաշտպանի մասին» ՀՀ օրենքի հիման վրա, որն ուժի մեջ է մտել 2004 թվականին, գրասենյակը Հայաստանում ներկայացված է որպես սահմանադրական ինստիտուտ։ Այս համագործակցության կենտրոնում են գտնվում մարդու իրավունքների վերաբերյալ թեմաները։ Համագործակցության շնորհիվ հնարավոր է եղել ներկայացնել օրինագծեր, իրականացնել բարեփոխումներ ։

«ԱՐԻ» գրականության հիմնադրամը հիմնադրվել է 2018 թվականին որպես շահույթ չհետապնդող կազմակերպություն և աջակցում է հայկական գրքի շուկայի զարգացմանն ուղղված նախագծերին։ Այն նաև իր ներդրումն ունի հայ երիտասարդների կարդալու և գրելու հմտությունների խթանման գործում՝ այս կերպ բարելավելով միջազգային երկխոսությունը: Այս համագործակցության հիմնասյունը մշակույթի և քաղաքականության փոխազդեցությունն է: Այդպիսի օրինակ է ԿԱՀ-ի կողմից աջակցվող միջազգային Writing Camp ճամբարը:

Ռոբերտ Շուման ինստիտուտը (RSI) Եվրոպական ժողովրդական կուսակցության եվրոպական կրթական հաստատություն է Հունգարիայում: Որպես ինստիտուտի անդամ՝ ԿԱՀ-ը RSI-ի հետ համատեղ իրականացնում է տարբեր նախագծեր՝ ուղղված ժողովրդավարության զարգացմանն ու երիտասարդության խթանմանը Արևելյան և Կենտրոնական Եվրոպայի երկրներում:

Էդուարդո Ֆրայ հիմնադրամը (EFF), որը հիմնադրվել է 1990 թվականին՝ Բեռլինի պատի անկումից մեկ տարի անց, նոր հարևանների հետ հարաբերություններ հաստատելու նպատակով, կարևոր գործընկեր է Կոնրադ Ադենաուեր հիմնադրամի նպատակների իրականացման գործում: Երկու կազմակերպությունների միջև համագործակցության հիմնաքարը ժողովրդավարության զարգացումն է՝ կենտրոնանալով քաղաքական կուսակցությունների, երիտասարդների և կանանց վրա: