Փորձնակներ և ֆելոուներ հյուրընկալելու բաց մրցույթ կազմակերպությունների համար - ՏԱՐԱԾԱՇՐՋԱՆԱՅԻՆ ԾՐԱԳԻՐ «ՔԱՂԱՔԱԿԱՆ ԵՐԿԽՈՍՈւԹՅՈւՆ ՀԱՐԱՎԱՅԻՆ ԿՈՎԿԱՍ»
միջոցառումշ իվենտ
Details
Կոնրադ Ադենաուեր հիմնադրամի հայաստանյան մասնաճյուղը և Գյումրու «Երիտասարդական նախաձեռնությունների կենտրոնը» հրավիրում են շահագրգիռ հասարակական և ոչ հասարակական կազմակերպություններին դիմելու Հայաստանի 6 մարզերի՝ Արմավիրի, Տավուշի, Լոռու, Շիրակի, Սյունիքի և Գեղարքունիքի, իրենց կառույցներում փորձնակների և ֆելոուների հյուրընկալելու համար։
Հյուրընկալող կազմակերպությունները հնարավորություն կունենան զարգացնել իրենց կարողությունները և իրականացնել կարևոր ծրագրեր, ստանալ նորարարական գաղափարներ և հեռանկարներ, ինչպես նաև, նպաստել ապագա առաջնորդների մասնագիտական առաջընթացին։ Փորձնակները և Ֆելոուները հնարավորություն կունենան ձեռք բերել մասնագիտական փորձառություն և ստանալ ուղղորդում ոլորտային փորձագետների կողմից։
Մրցույթի նպատակներին, դիմումի և ընտրության կարգին կարող եք ծանոթանալ մրցույթի ուղեցույցում։ Ուղեցույցն ու ենթադրամաշնորհային մրցույթին դիմելու համար անհրաժեշտ փաստաթղթերի ձևաթղթերը կգտնեք այստեղ՝ https://drive.google.com/drive/folders/1Jtc1PdrSTd3gXZE-DMlCCAr78BZPTK1n?usp=drive_link
Մրցույթին դիմելու վերջնաժամկետը 2024թ-ի հունիսի 30-ն է։
«Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Երիտասարդական նախաձեռնությունների կենտրոնի հետ համատեղ:
