Կոնրադ Ադենաուեր հիմնադրամի հայաստանյան մասնաճյուղը Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնության կենտրոն»–ի հետ համատեղ իրականացնում է «Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը։
Ծրագրի նպատակն է զարգացնել Հայաստանում քաղաքացիական հասարակության կարողությունները՝ երիտասարդներին կրթելու և հզորացնելու, ապագա առաջնորդներ ձևավորելու, ինչպես նաև երկրի սոցիալական, քաղաքական և հասարակական կյանքում վերջիններիս ավելի ակտիվ մասնակցությանը նպաստելու համար: Ծրագիրն ուղղված է երիտասարդական քաղաքացիական հասարակության կազմակերպություններին (ՔՀԿ), երիտասարդական նախաձեռնություններին, երիտասարդական ոլորտի աշխատողներին, ինչպես նաև երիտասարդ առաջնորդներին և մենթորներին, երիտասարդ քաղաքական գործիչներին, երիտասարդ ինֆլուենսերներին, վիդեոբլոգերներին, փոդքասթերներին, տեղական և ազգային մակարդակներում որոշում կայացնողներին:
Ծրագիրը հնարավորություն կտա երիտասարդական ՔՀԿ-ներին զարգացնելու իրենց կարողությունները՝ ավելի լավ կառավարման և ռեսուրսների ճիշտ օգտագործման համար: Երիտասարդ մասնագետները կստանան կրթաթոշակներ և կզարգացնեն իրենց հմտությունները՝ տարբեր միջավայրերում աշխատելու, համայնքային խնդրները թիրախավորելու, ինչպես նաև տեղական տարբեր նախաձեռնություններ մշակելու և իրականացնելու համար: Գործողությունը նախատեսում է երիտասարդների շրջանում պետական կառավարման հմտությունների զարգացում՝ Հայաստանում օրենսդիր, գործադիր և դատական իշխանությունների պարտականությունների մոդելավորման միջոցով, ինչպես նաև երիտասարդների և դեռահասների կարողությունների խթանում շահերի պաշտպանության և քաղաքականության մշակման ուղղությամբ: Նախատեսվում է մշակել և ստեղծել «Երիտասարդ աշխատող»–ի ինստիտուտը, վերջինիս գործունեության պայմաններով, լիազորություններով ու պարտականություններով հանդերձ, ինչը հնարավորություն կտա բարձրացնելու այս մասնագիտության ըմբռնումը, կարևորությունն ու անհրաժեշտությունը։ Երիտասարդ առաջնորդները և մենթորները կկիսվեն իրենց տեսական և էմպիրիկ փորձով, ձեռքբերումներով, և քաղած դասերով երիտասարդական օրակարգը որոշումների կայացման գործընթացում ներառելու և ներկայացնելու առնչությամբ: Երիտասարդ առաջնորդները կզարգացնեն նաև իրենց հրապարակային խոսքը, մեդիագրագիտության, հաղորդակցման և կապեր հաստատելու հմտությունները՝ իրենց ուղերձը հասարակությանը ճիշտ հասցնելու նպատակով։
Ակնկալվող արդյունքները
1.Երիտասարդների կարողությունների ամրապնդում Հայաստանում հանրային, համայնքներին, քաղաքացիական հասարակության և քաղաքականությանն առնչվող հարցերում բովանդակալից մասնակցության համար։
2.Երիտասարդների հմտությունների և/կամ գիտելիքների զարգացում առաջնորդության և քննադատական մտածողության, ժողովրդավարական քաղաքացիության, հանրային քաղաքականության և օրենսդրական գործընթացների ուղղությամբ:
3.Երիտասարդական ոլորտում աշխատողների և երիտասարդական ՔՀԿ-ների տեխնիկական կարողությունների ամրապնդում։
4.Առաջնորդության ծրագրերի փորձնական իրականացում և ինստիտուցիոնալացում տեղական և ազգային մակարդակներում:
5.Հայաստանի բնակչության իրազեկվածության բարձրացում երիտասարդությանը վերաբերող թեմաների շուրջ, ներառյալ մեդիագրագիտություն, փաստերի ստուգում, թվային քաղաքացիություն և բովանդակության ստեղծում:
Տևողությունը՝ 01.03.2023 – 30.06.2026 (40 ամիս)
Ծրագրի ընդհանուր բյուջեն՝ 2.000.000 €
ԵՄ ներդրումը՝ 1.200.000 €
Համաֆինանսավորում` 800,000 € (Կոնրադ Ադենաուեր հիմնադրամ)
Ծրագրի իրականացման վայրը՝ Հայաստան
Ծրագրի համակարգող՝
Կոնրադ Ադենաուեր հիմնադրամի հայաստանյան մասնաճյուղ
Իրականացնող գործընկերներ՝
