განხილვა
Details
კონრად ადენაუერის ფონდი და ლიბერალური თანამედროვეობის ცენტრი გიწვევთ პანელურ დისკუსიაზე „საქართველოს აქვს არჩევანი: ევროპა ან რუსეთი?“
2023 წლის დეკემბერში, ევროკავშირმა, საქართველოს ევროკავშირის კანდიდატის სტატუსი მიანიჭა და საქართველოს მთავრობას მიაწოდა კონკრეტული დავალებები მომავალი გაწევრიანების მოლაპარაკებებისთვის. ამ რეფორმებზე ფოკუსირების ნაცვლად, მმართველმა პარტიამ, „ქართულმა ოცნებამ“, გააძლიერა ანტიდასავლური რიტორიკა და მკაცრი კრიტიკის მიუხედავად, რუსეთთან იდეოლოგიური სიახლოვით კანონი „უცხოური გავლენის გამჭვირვალობის შესახებ“ დაამტკიცა.
ეგრეთ წოდებული „აგენტების კანონი“, წარმოადგენს არა მხოლოდ ეგზისტენციალურ საფრთხეს საქართველოში სამოქალაქო საზოგადოებისა და თავისუფალი მედიისთვის, არამედ საქართველოს გეოპოლიტიკური ორიენტაცია ევროპიდან რუსეთში გადააქვს. პარლამენტში გამართულ დებატებს მწვავე რეაქცია მოჰყვა, რამაც ხალხი აიძულა ქუჩებში გამოსულიყვნენ, ხოლო საპროტესტო აქციებს, მთავრობამ, რუსული ტიპის პოლიციის ძალადობითა და დარბევით უპასუხა. საქართველო ეგზისტენციალური კრიზისის წინაშე დგას და გაურკვეველია, დაასრულებს თუ არა ამ კრიზისს 26 ოქტომბრის საპარლამენტო არჩევნები.
ღონისძიება ეწყობა დისკუსიების ციკლის „საქართველო ფოკუსში“-ს ფარგლებში, რომლის მიზანია ვისაუბროთ საქართველოში მოახლოებულ საპარლამენტო არჩევნებზე და მის მნიშვნელობაზე ჩვენი ქვეყნისთვის, ევროპისთვის და მეზობელ აღმოსავლეთ ქვეყნებთან ურთიერთობებისთვის.
რა დგას სასწორზე 26 ოქტომბრის საპარლამენტო არჩევნებში და რატომ არის ეს ისტორიული არჩევნები ფუნდამენტური გადაწყვეტილების მქონე საქართველოსთვის?
- რა შესაძლო სცენარებია მოსალოდნელი არჩევნების შემდგომ?
- როგორ აღიქვამს საქართველოს მოსახლეობა ევროკავშირსა და გერმანიას?
- რა მნიშვნელობა აქვს ევროპისთვის საქართველოში ჩატარებულ არჩევნებს?
- როგორ უნდა შეფასდეს რუსეთის გავლენა საქართველოში?
ამ და სხვა თემებზე ვსაუბრობთ 9 სექტემბერს, 15:00 საათზე, ქ. ბერლინში, კონრად ადენაუერის ფონდის აკადემიის შენობაში.
ღონისძიებაში მონაწილეობას მიიღებენ:
- კნუტ აბრაჰამი, დეპუტატი (CDU), ბუნდესტაგის საგარეო ურთიერთობათა კომიტეტის წევრი
- იულია ლანგბაინი, პროგრამის მენეჯერი, ZOIS; SCRIPTS-ის მთავარი მკვლევარი
- ანა ნაცვლიშვილი, საქართველოს პარლამენტის ევროპასთან ინტეგრაციის კომიტეტის წევრი (ლელო)
- ეკა ტყეშელაშვილი, USAID-ის ანტიკორუფციული პროგრამის ხელმძღვანელი უკრაინაში, საქართველოს ყოფილი საგარეო საქმეთა მინისტრი
მონაწილეობის მიღება შესაძლებელია მხოლოდ დადასტურებული რეგისტრაციის გავლის შემდეგ.
ღონისძიება ჩატარდება სინქრონული თარგმანით, გერმანულ-ინგლისურ ენებზე.
