მოვლენები
Details
პოლიტიკური განათლების აკადემიის პროექტის ფარგლებში, სტუდენტების მიერ შექმნილი სამაგიდო თამაში ,,ევროპის გზა'', 6 მაისს ,,ექსპო ჯორჯიაში'', ,,ევროპის დღეზე'' იქნა წარმოდგენილი. სტუმრებს შესაძლებლობა ჰქონდათ, ეთამაშათ გიგანტურ დაფაზე და მიეღოთ საჩუქრები.
თამაშს სტუდენტებთან ერთად უძღვებოდა ინტელექტუალური გადაცემის ,,რა? სად? როდის?'' წამყვანი, ბატონი გიორგი მოსიძე.
სამაგიდო თამაშის ერთი ეგზემპლარი საჩუქრად გადაეცა საქართველოში ევროკავშირის ელჩს - პაველ ჰერჩინსკის.
“ევროპის გზა'' კონრად ადენაუერის ფონდის პოლიტიკური განათლების აკადემიის სტუდენტების მიერ შექმნილი საგანმანათლებლო სამაგიდო თამაშია, რომელიც შედგება დაფის, ფიგურების, კამათლისა და ბარათებისგან. თამაშში ოთხი კატეგორიის ბარათია წარმოდგენილი: 1. ,,ფაქტობრივი კითხვა'', 2. ,,მითია თუ რეალობა'', 3. ,,ღია კითხვა'', 4. ,,ასოციაცია''. თამაშის მონაწილეებმა უნდა გაიარონ გზა კანდიდატის სტატუსამდე და საბოლოოდ, გახდნენ ევროკავშირის წევრები.
დღესდღეობით, აკადემიის სტუდენტები საინფორმაციო შეხვედრებს მართავენ საქართველოს საჯარო სკოლებში, ხსენებული სამაგიდო თამაში კი შეხვედრების ერთ-ერთ კომპონენტს წარმოადგენს.
