განხილვა
დეტალები
19 აპრილს, გორში, სახელოვნებო სივრცეში „ხელოვნების სახლი“ გაიმართა დისკუსია თემაზე „ქალი მწერლები - ტრადიცია და თანამედროვეობა“.
დისკუსიაში მონაწილეობა მიიღო მწერალმა, ეკა ტოგონიძემ და მთარგმნელმა, ნინო ბექიშვილმა. მოდერატორი იყო პენცენტრის აღმასრულებელი დირექტორი, ნატაშა ლომოური.
მომხსენებლებმა ილაპარაკეს ქალი მწერლების როლის შესახებ ქართულ ლიტერატურაში, შეეხნენ საბჭოთა ხანასაც. მიმოიხილეს თანამედროვე ქართული ლიტერატურული პროცესი და ის საკითხები, რომლებიც დღეს აწუხებთ ქალ მწერლებს; ისაუბრეს პირად გამოცდილებაზეც.
ასევე, მომხსენებლებმა გვერდი ვერ აუარეს იმ პოლიტიკურ პროცესებს, რომლებიც ახლა მიმდინარეობს და ისაუბრეს იმაზეც, თუ როგორ დააზარალებს "უცხოური გავლენების გამჭვირვალობის" კანონი სახელოვნებო სივრცეს და კერძოდ, მწერლობას.
შეხვედრის ბოლოს მომხსენებლებმა უპასუხეს დამსწრეთა შეკითხვებს.
ეს იყო მორიგი შეხვედრა დისკუსიათა ციკლიდან „საქართველო - ევროპული იდენტობის ძიებაში“, რომელსაც პენცენტრი და კონრად ადენაუერის ფონდი ერთობლივად ახორციელებენ.
პროექტში მონაწილეობენ მწერლები, ჟურნალისტები, მეცნიერები და სამოქალაქო აქტივისტები.
