ვორკშოპი
დეტალები
27-30 აპრილს კონრად ადენაუერის ფონდის თბილისის ოფისმა პოლიტიკური განათლების აკადემიის 2023 წლის ნაკადის პირველ შეხვედრას უმასპინძლა.
აკადემიაში მონაწილეობას იღებდნენ ილიას სახელმწიფო უნივერსიტეტის, თბილისის სახელმწიფო უნივერსიტეტისა და ქუთაისის აკაკი წერეთლის სახელობის სახელმწიფო უნივერსიტეტის კონკურსის წესით შერჩეული სტუდენტები.
აკადემიის პირველი ეტაპის ფარგლებში, მონაწილეებმა მოწვეულ სტუმრებთან ერთად, ისაუბრეს ისეთ მნიშვნელოვან თემებზე როგორიცაა: თავისუფლება, კეთილდღეობა, წესრიგი და თანასწორობა. ასევე მოისმინეს მოხსენება გერმანიის პოლიტიკურ ფონდებსა და სამოქალაქო განათლების გერმანულ მოდელზე. განსაკუთრებული ყურადღება გამახვილდა პროექტის განვითარების ციკლზე, პროცესზე და ანალიზის ინსტრუმენტებზე.
სტუდენტებმა განიხილეს საქართველოში სამოქალაქო საზოგადოების საქმიანობა, განვითარების დინამიკა და არსებულ გამოწვევებზე დაყრდნობით, შეიმუშავეს პროექტი, რომელსაც მომდევნო თვეების განმავლობაში განახორციელებენ.
