განხილვა
დეტალები
27 იანვარს, კონრად ადენაუერის ფონდის წარმომადგენლობამ საქართველოში, პოლიტიკისა და მენეჯმენტის საკონსულტაციო კვლევით ცენტრთან თანამშრომლობით, წარმოადგინა კვლევის შედეგები და გამართა დისკუსია თემაზე: „საზღვაო ვაჭრობა შავ ზღვაში, რუსეთ-უკრაინის ომის ფონზე “.
ომის მსვლელობისას, შავი ზღვის რეგიონი მოექცა ყურადღების ცენტრში, როგორც პოტენციური ალტერნატიული სატრანსპორტო მარშრუტი, მაშინ როცა მთავრობები და ბიზნეს სექტორის წარმომადგენლები, ცდილობენ რუსეთს როგორმე გვერდი აუარონ. ტრანსკასპიური საერთაშორისო სატრანსპორტო მარშრუტი (TITR), ე. წ. შუა დერეფანი, განსაკუთრებული ხაზგასმით იქნა ნახსენები, როგორც ერთ-ერთი ასეთი ალტერნატიული სატრანსპორტო მარშრუტი. შედეგად, ომმა გააძლიერა სამხრეთ კავკასიის სახელმწიფოების, განსაკუთრებით კი აზერბაიჯანსა და საქართველოს შორის, სატრანზიტო პოტენციალის მნიშვნელობა და ასევე, გამოააშკარავა ცენტრალური აზიის ქვეყნებთან, ხელახალი ურთიერთობების აღდგენის მნიშვნელობა. ომის დაწყებიდან, ამ კუთხით, ისეთი მნიშვნელოვანი ინიციატივები, როგორიცაა შავი ზღვის ენერგეტიკული წყალქვეშა საკაბელო პროექტი, ისევე როგორც საქართველოში, ანაკლიის ღრმაწყლოვანი საზღვაო პორტის მშენებლობის ინიციატივა, განხორციელების გზაზე იმყოფებოდა.
კვლევის მიზანს წარმოადგენდა, რუსეთ-უკრაინის ომის ფონზე, შავ ზღვაში, საზღვაო ვაჭრობის მდგომარეობისა და საჭიროებების შეფასება და შესაბამისი პოლიტიკური რეკომენდაციების შემუშავება.
კვლევის პრეზენტაციასა და დისკუსიაში, გამოიკვეთა შავი ზღვის რეგიონში არსებული გამოწვევების გადასაჭრელად საჭირო ძირითადი მიმართულებები, როგორიც არის, მაგ. რუსეთ-უკრაინის ომის უშუალო შედეგების შერბილება, ფუნდამენტური ინფრასტრუქტურული საკითხების მოგვარება და ინსტიტუციური და თანამშრომლობითი პრობლემების დაძლევა.
კვლევის შედეგები წარადგინეს ნიკა კაპანაძემ, საქართველოს საკონსულტაციო კვლევითი ცენტრის მკვლევარმა და ირინა კოსემ, უკრაინის ეკონომიკური კვლევისა და პოლიტიკის ინსტიტუტის მკვლევარმა.
პრეზენტაციის დასასრულს, გაიმართა საჯარო დისკუსია, ირინა კოსეს მოდერატორობით. დისკუსიაში მონაწილებდნენ ასევე, რატი დევაძე, საქართველოს ეკონომიკისა და მდგარდი განვითარების სამინისტრო; ზვიად ჭუმბურიძე, ევროკავშირი-საქართველოს ბიზნეს საბჭო; ლეინ რავლინსონი, აპმ-ტერმინალები და ირაკლი სირბილაძე, საქართველოს საკონსულტაციო კვლევითი ცენტრი.
