განხილვა
დეტალები
13 მაისს, ერევანში, გაიმართა კონრად ადენაუერის ფონდისა და საქართველოს პოლიტიკის ინსტიტუტის ერთობლივი ღონისძიება და პანელური დისკუსია თემაზე: „პოლიტიკის პერსპექტივები სომხეთიდან და საქართველოდან: ევროკავშირის როლის ასახვა სამხრეთ კავკასიაში ტექტონიკური ცვლილებების ფონზე“.
აღნიშნული ღონისძიების ფარგლებში, განხილული იყო საქართველოსა და სომხეთის ევროპული ინტეგრაციის პერსპექტივები უახლესი გეოპოლიტიკური მოვლენების კონტექსტში.
კონრად ადენაუერის ფონდისა და საქართველოს პოლიტიკის ინსტიტუტის მიერ სომხეთიდან, საქართველოდან და ევროკავშირიდან მოწვეულმა ექპერტებმა, ერევანში, ისაუბრეს სამხრეთ კავკასიაში ევროკავშირის ჩართულობის, გამოწვევებისა და შესაძლებლობების შესახებ.
ღონისძიებას უძღვებოდა შტეფან მალერიუსი - კონრად-ადენაუერის ფონდის სამხრეთ კავკასიის ოფისის ხელმძღვანელი. შესავალი სიტყვა საქართველოს პოლიტიკის ინსტიტუტის დირექტორმა, პროფ. კორნელი კაკაჩიამ წარმოთქვა. აგრეთვე, სიტყვით გამოვიდა სომხეთში ევროკავშირის წარმომადგენლობის ხელმძღვანელის მოადგილე, იან პლესინგერი. პანელურ დისკუსიაში, აგრეთვე, მონაწილეობდნენ: საქართველოს უნივერსიტეტის პოლიტიკისა და საერთაშორისო ურთიერთობების დეპარტამენტის პროგრამების ხელმძღვანელი, პროფესორი შალვა ძებისაშვილი, სომხური კვლევითი ცენტრის APRI-ის ვიცე-პრეზიდენტი, სტრატეგიული განვითარებისა და პოლიტიკის საკითხებში, ანაჰიდე პილიბოსიანი და ორბელის ანალიტიკური ცენტრის უფროსი მკვლევარი ჯონი მელიქიანი.
