გერმანელი კას-ის სტიპენდიანტი დოქტორანტებისა და პროფესორების ვიზიტი თბილისში

Details

14-17 მაისს, თბილისში, გაიმართა გერმანიის სადოქტორო კოლეჯის სტიპენდიანტი დოქტორანტებისა და პროფესორებისთვის სემინარი "საქართველოს უსაფრთხოება და განვითარება 21-ე საუკუნეში".

სემინარი სიტყვით გახსნა, კონრად ადენაუერის ფონდის რეგიონული პროგრამის „პოლიტიკური დიალოგის სამხრეთ კავკასიის“ ხელმძღვანელმა, შტეფან მალერიუსმა, რომელმაც მიმოიხილა სამხრეთ კავკასიაში არსებული სოციალური და პოლიტიკური მდგომარეობა. ვიზიტის ფარგლებში, დოქტორანტებს და პროფესორებს საშუალება მიეცათ, გაეფართოებინათ ცოდნა სამხრეთ კავკასიის პოლიტიკურ გამოწვევებზე დაგეგმილი ლექციების, დისკუსიებისა და ექსკურსიების მეშვეობით. პროგრამა მოიცავდა ასევე, შეხვედრებს ილიას სახელმწიფო უნივერსიტეტის პროფესორებთან, ნატო-საქართველოს არსებითი პაკეტის წარმომადგენლებთან, სამოქალაქო სექტორის წარმომადგენლებთან და გერმანიის ელჩთან საქართველოში. სტუმრები ასევე, ეწვივნენ წეროვანის დევნილთა დასახლებას, სადაც მათ მოინახულეს სამაჩაბლოდან იძულებით გადაადგილებულ პირთა საცხოვრებელი და რუსეთის მიერ, ამ რეგიონის ოკუპაციაზე მეტი ინფორმაცია მიიღეს. სემინარის პროგრამას უძღვებოდა, ფონდის ადგილობრივ თანამშრომლებთან ერთად, ბეატე ნოისი, პროფესორი და კონრად-ადენაუერის ფონდის თავმჯდომარის მოადგილე, ასევე, ფრანკფურტის უნივერსიტეტის პროფესორი, გიუნტერ ჰელმანი და როსტოკის უნივერსიტეტის პროფესორი, ნიკოლაუს ვერცი.