Семинар
Details
Панел дискусијата на тема „Проширувањето и Западниот Балкан - Предизвици и можности“ ќе се одржи на 06 ноември 2024 (среда), со почеток во 10:15 часот, во Офицерскиот дом во Битола.
Катедра Аденауер претставува научно - образовна платформа на која студенти, експерти, претставници на академската заедница, како и носители на политички функции дискутираат и ги споделуваат своите гледишта околу актуелни теми од областа на Европската унија, генералните предизвици со кои се соочува европскиот континент, како и на теми поврзани со проширувањето на ЕУ и регионот на Западен Балкан.
Свое излагање во рамки на панел дискусијата ќе имаат:
Викторија Трајков, Заменик министерка за европски прашања
Горан Илиќ, Проректор на Универзитетот „Св. Климент Охридски“ - Битола
Елена Тиловска-Кечеџи, Професор на Правниот факултет – Кичево при Универзитетот „Св. Климент Охридски“ - Битола
Кирил Миноски, Поранешен Министер за финансии
Александар Спасеновски, Професор на Правен факултет „Јустинијан Први“ – Скопје
Васко Наумовски, Професор на Правен факултет „Јустинијан Први“ – Скопје
Дискусијата ќе биде модерирана од новинарката Нора Калиќи.
Настанот ќе го отворат претставниците на организаторите, односно Игор Неделковски, Ректор на Универзитетот „Св. Климент Охридски“ - Битола, Давор Пашоски, Програмски менаџер во Фондацијата Конрад Аденауер и Анѓела Ангеловска, Проектен менаџер во Академијата за Европски интеграции – Скопје.
Работен јазик на настанот е македонски.
Themen
Partner
