Ден на Европа 2023

Details

9 Мај-Денот на Европа

Станува збор за целодневен настан со следните активности:

Панел дискусија на тема: „Иднината на проширувањето на ЕУ – Кои се придобивките за Северна Македонија и Европската унија?“. На панел дискусијата се предвидува учеството на високи политички претставници од земјата, претставници на дипломатскиот кор, академската заедница, студенти и други релевантни чинители.

На дискусијата свое воведно обраќање ќе има Н.Е. Стево Пендаровски, Претседател на Република Северна Македонија.

Во рамки на панел дискусијата исто така ќе се обратат и

Н.Е. Дејвид Гир, Амбасадор и шеф на Делегацијата на Европската унија

Н.Е. Ами Ларсон Џеин, Амбасадорка на Шведска

Моника Зајкова, Претседателка на Либерално демократска партија / Пратеничка            

Африм Гаши, Претседател на Алтернатива / Пратеник

Тимчо Муцунски, Потпретседател на ВМРО-ДПМНЕ / Градоначалник на Општина Аеродром

Настанот ќе го отворат Милева Ѓуровска, Претседателка на Европско движење, Даниел Браун, Официјален претставник на Фондацијата Конрад Аденауер и Катерина Јакимовска, Виш координатор за настани во Центар за европски студии Вилфрид Мартенс.

Дискусијата ќе биде модерирана од Андреј Лепавцов, Поранешен амбасадор во Европската унија.

Вториот дел од настанот ќе бидат организиран како Младински клуб во рамки на кој ќе се одржат Ораторски натпревар на тема „Зборувам со Европа“, со учество на студенти од поголемите универзитети во Северна Македонија; Младинска дебата на тема „Зборувам со Европа за мојата европска иднина“ како и Квиз на знаење за ЕУ на кој ќе учествуваат средношколци од средните училишта во Градот Скопје.

На овој настан ќе биде доделена и плакетата за Европска личност на годината која што Европското движење традиционално веќе повеќе од 20 години ја доделува на лица кои ги шират европските вредности во Северна Македонија, но и лица кои ја промовираат земјата во Европа и во светот.

Работни јазици на настанот се македонски, албански, англиски и германски (со обезбедено симултано толкување).

Одбележување на Денот на Европа – 9 Мај ќе се одржи на 18 мај (четврток) со почеток од 11.00 часот во Ragusa Rooftop (Катна гаража “26 Јули”, Св. Кирил и Методиј бр.1).

Доколу сте заинтересирани да присуствувате на настанот потребно е да се пријавите на e-mail: skopje@kas.de или на телефон 02 3217 075 најдоцна до 17 мај (среда).