Извештаи за настани
На настанот присуствуваа 27 студенти кои имаа можност да слушнат предавања и да се вклучуваат во дискусија на следните теми: Религија и граѓаните, Улогата на жената во религиите, Значењето и традицијата на верските храмови, но и практични примери и иницијативи за меѓурелигиски дијалог.
Исто така, беше организирана студиска посета на Соборниот храм “Свети Ѓорги”, како и на Џамијата “Мустафа Челеби”.
Меѓурелигискиот час е организиран во соработка со Православниот Богословски Факултет и Факултетот за Исламски Науки со цел на студентите да им обезбедува простор за дискусија и разменување на мислења на теми поврзани со религијата како и дневно-општествени теми.