На школата присуствуваа 36 учесници од 10 Балкански земји и имаа можност да учествуваат во динамична програма од предавања, работилници како и посети на културни и историски објекти во Скопје во периодот од 03-07 јули.
Широк опсег на теми и предавања беа опфатени: религиски вредности, помирување, национализам, граѓански активизам, различности, ЕУ перспективи, мултикултурализам и лажни вести. Ова овозможи учесниците да се здобијат со знаења преку дискусии, практични примери од други земји но и да разменуваат мислења во рамки на работилниците.
Главната цел на Летната школа е да го промени статусот "quo" кога станува збор за перцепцијата за религиозните, националните и културните разлики помеѓу младите од академскиот свет од регионот.
