Извештаи за настани
Од 13-16 ноември во хотел Срна – Маврово се организираше завршниот настан во рамките на овој прв пилот проект.
На стратешкото планирање учествуваа 20 ученици на СУГС Никола Карев кои се воедно и членови на Училишната заедница.
Целта на семинарот беше самите ученици да направат предлог модел врз кој ќе се базира работата на Училишната заедница во наредните 3 години.
Низ 4 дневни интензивни сесии кои опфатија индивидуална и групна работа, учениците креираа модел кој опфати: дефинирана визија; дефинирана мисија; приоритети на делување; цели на делување; процедури за работа и акциски план.
Овој предлог модел понатаму ќе биде предмет на консултација со засегнатите страни во училиштето (директор, училишен одбор, наставнички совет, ученици) се до негово финално усвојување.
