ТӨРИЙН БАЙГУУЛАЛ СУДЛАЛ СЭТГҮҮЛ #06

“Төрийн байгуулал судлал” сэтгүүлийн шинэчилсэн хувилбарыг та бүхэнд толилуулж байгаадаа баяртай байна. Сэтгүүл шинэлэг хэлбэрээр баяжигдан хэвлэгдэж байгаа нь Монгол Улс дахь Конрад-Аденауэр-Сан болон Монгол Улсын Их Сургуулийн амжилттай, сайн хамтын ажиллагааны үр дүн юм. Шинжлэх ухаан, улс төр, нийгмийг холбосон гүүрийг бий болгож, судлаач, эрдэмтдийн шинжлэх ухааны үндэслэлтэй санал зөвлөмж болон улс төрийн практикийг хослуулсан платтформыг үүсгэж байгаа нь онцлог юм. GAP сэтгүүлийн энэ дугаарт бид “Сонгууль” хэмээх цаг үеийн сэдвийг онцолсон бөгөөд хууль, эрх зүйн зохицуулалт, сонгуулийн кампанит ажлын технологоос эхлээд парламентын гишүүдийн тоог нэмэгдүүлэх нь төлөөллийн ардчилалд үзүүлэх нөлөөлөл хүртэлх сонгуулийн үйл явцын олон асуудлыг авч үзлээ. “Сонгууль”-ийн талаарх сэдвийг цогцоор нь харуулахын тулд манай судлаач, мэргэжилтнүүд олон улсын сонгуулийн төлөв байдал, цаашдын хандлага, сүүлийн үеийн судалгаа, мэдээ мэдээллийг тоймлон харууллаа. Сэтгүүлийн нийтлэлүүдийн агуулга нь ардчилсан нийгэм, түүний сонгуулийн талаарх уншигчдын мэдлэгийг гүнзгийрүүлэхэд хувь нэмэр болно хэмээн найдаж байна.