Сургалт
Details
Конрад-Аденауэр-Сан (КАС) болон Өвөрхангай аймгийн Иргэдийн Төлөөлөгчдийн Хурал хамтран иргэдийн улс төрийн боловсролыг дээшлүүлэх, нийгмийн идэвхи оролцоог өндөржүүлэх, тэдгээрийг чадавхижуулах чиглэлээр “Эмэгтэйчүүдийн нийгэм улс төрийн үүрэг, оролцоо” сэдэвт сургалтыг 2015 оны 04 дүгээр сарын 17-18-ны өдрүүдэд Арвайхээр хотноо зохион байгууллаа. Энэ удаагийн сургалтанд 19 сумаас нийт 70 эмэгтэй хамрагдсан юм.
Сургалтын нээлтэнд аймгийн ИТХ-ын дарга Г. Ганболд, аймгийн Засаг даргын орлогч О. Батжаргал, КАС-гийн Суурин төлөөлөгч Др. Даниел Шмюкинг, Төслийн менежер С. Ганзаяа нар оролцож, Г. Ганболд сургалтын үйл ажиллагааг нээж үг хэлэв.
Сургалтын хүрээнд “Үндсэн хууль ба хүний эрх”, “Эмэгтэйчүүдийн манлайлал”, “Эрүүл мэндээ хамгаалахад иргэн бидний үүрэг”, “Гэр бүлийн үнэ цэнэ”, “Хувь хүний алсын хараа ба зорилгоо тогтоох нь”, “Сонгогчийн боловсрол” зэрэг цогц мэдлэгийг бүсгүйчүүддээ олголоо.
Сургалтын үеэр сургалт, хөтөлбөрийн үнэлгээний талаар хэлэлцүүлэг хийсэн нь сургалтын чанарыг тодорхойлход хувь нэмэр болж байсан бөгөөд орон нутгийн эмэгтэйчүүддээ урам зориг, эрч хүч, итгэл үнэмшил хайрласан сургалт боллоо хэмээн оролцогчид дүгнэж байлаа.
Энэхүү хөтөлбөр амжилттай зохиогдоход гол хүчин болсон Т. Гончигдорж, Б. Туяацэцэг, Н. Рэгдэнгарав, Р. Дуламсүрэн, Ж. Энхтуяа, М. Мөнхсүрэн нарын хүндэт багш нартаа талархлаа илэрхийлье.
