сургалт
Details
КАС-ийн Улс Төрийн Залуу Манлайлагчдын Хөтөлбөр буюу „KAS Political Empowerment College“ (KAS-PEC)-р дамжуулан бид монгол залуучуудын улс төрийн идэвхийг нэмэгдүүлэх, улмаар шинэ үеийн улс төрчдийн боловсрол, хөгжлийг дэмжих зорилготой.
Монгол орон бол залуучуудын орон. Гэвч 2016 оны УИХ-ын сонгуулийн ирцийн жишээнээс үзэхэд 18-35 насны залуучуудын гуч орчим хувь нь л уг сонгуульд оролцож, саналаа өгсөн байна. КАС-ийн Улс Төрийн Залуу Манлайлагчдын Хөтөлбөр нь монголын улс төр дэх залуучуудын орон зайг нэмэгдүүлэх хүрээнд дараа үеийн шинэ улс төрчдийг бэлтгэж, улмаар ардчиллыг бэхжүүлэх үйл хэрэгт залуучуудын бодит оролцоог бий болгох тал дээр дэмжлэг үзүүлэх хүрээнд зохион байгуулагдаж байна.
Энэ жилийн КАС-ийн Улс Төрийн Залуу Манлайлагчдын Хөтөлбөрийн танхимын сургалт 2018.08.19-24-ний хооронд зохион байгуулагдахаар төлөвлөгдөж байгаа ба өмнөх жилүүдээс илүү онцлог нь „Konrad Adenauer School for Young Politicians“ (KASYP) хөтөлбөрт Монгол Улсаас оролцогчдыг тус хөтөлбөрийн агуулгын багт түлхүү оролцуулсанд оршиж байна.
