Сургалт
Details
Цуврал семинарын гуравдах удаагийнх нь болох энэхүү арга хэмжээг КАС нь Засгийн газрын Хэрэг эрхлэх газар, Дорнод аймгийн Засаг даргын Тамгын газартай хамтран Чойбалсан хотноо зохион байгууллаа.
Засгийн газрын Хэрэг эрхлэх газар, Удирдлагын Академи, Эдийн засгийн Хөгжлийн Яам, Архивын Төв газар зэрэг байгууллагын ажилтан нар илтгэл тавьж, захиргааны байгууллагын дотоод ажлын онцлог, тулгамдаж буй асуудал, түүнийг шийдвэрлэх боломж болон орон нутгийн захиргааны байгууллагын чиг үүрэг, үйл ажиллагааг боловсронгуй болгох талаар хэлэлцэв. Семинарт Дорнод, Хэнтий, Сүхбаатар аймгийн аймаг, сумдын дотоод ажил, архив, албан хэрэг хөтлөлт хариуцсан 100 гаруй албан хаагчид оролцлоо.
Зүүн бүсийн дотоод ажил хариуцсан ажилтан нарын дунд сүүлийн 20 жилд анх удаа ийнхүү практик ач холбогдолтой, сайн семинарыг зохион байгуулсанд оролцогсод талархал илэрхийлж байв.
