Сургалт
Details
Засаг захиргаа, нутаг дэвсгэрийн үндсэн нэгж болох сумдын нутгийн захиргааны байгууллагын архив, албан хэрэг хөтлөлт, дотоод ажил хариуцсан ажилтнуудын ажил хэргийн мэргэшил, мэдлэгийг дээшлүүлэх зорилгоор явуулж буй цуврал семинарын хүрээнд энэхүү арга хэмжээ нь зохион байгуулагдсан юм.
Уг семинарыг ХБНГУ-ын Конрад-Аденауэр Сангийн санхүүжилтээр Засгийн газрын Хэрэг эрхлэх газар, Дорноговь аймгийн Засаг даргын Тамгын газар зохион байгуулж, үүнд Дорноговь, Говьсүмбэр аймгийн аймаг, сумдын дотоод ажил, архив, албан хэрэг хөтлөлт хариуцсан 45 орчим албан хаагчид оролцсон билээ.
Aнхан шатанд Засгийн газрын мөрийн хөтөлбөрийн биелэлтийг тайлагнах аргачлал, үр дүнд суурилсан хяналт, шинжилгээ, үнэлгээ, иргэдээс ирүүлсэн өргөдөл, гомдлын тайлагналтын асуудлаар нарийвчилсан зөвлөгөө өгсөн нь дотоод ажил хариуцсан албан хаагчдын өдөр тутмын үйл ажиллагаанд тус дэмтэй, практик ач холбогдолтой арга хэмжээ боллоо хэмээн оролцогчид өндрөөр үнэлж байв.
