ХБНГУ-ын ХАХНамын дэргэдэх Залуучуудын Холбооны Чуулган

Чуулганд оролцсон олон улсын төлөөлөгчид ХБНГУ-ын Канцлер Др. Ангела Меркелийн хамт

ХБНГУ-ын ХАХНамын дэргэдэх Залуучуудын Холбооны чуулганд Монгол Улсаас оролцогчид тус холбооны тэргүүн, ХБНГУ-ын Бундестагийн гишүүн Паул Циймиакийн хамт

Олон улсын төлөөлөгчид ХБНГУ-ын Бундестагийн Ерөнхийлөгч Др. Волфганг Шойблетэй уулзах үеэр

ХБНГУ-ын ХАХНамын дэргэдэх Залуучуудын Холбооны чуулганд Монгол Улсаас оролцогчид ХБНГУ-ын Шлесвиг-Холлштайн мужийн Ерөнхий сайд Даниел Гюнтерийн хамт

Олон улсын төлөөлөгчид ХБНГУ-ын Бундестагийн байраар зочлох үеэр

ХБНГУ-ын ХАХНамын дэргэдэх Залуучуудын Холбооны чуулганд МУ-ын АЗХ-ны Ерөнхийлөгч С.Эрдэнэболд үг хэлэх үеэр

ХБНГУ-ын Конрад-Аденауэр-Сангаас тус чуулганы ерөнхий зохион байгуулагч ХБНГУ-ын ХАХНамын дэргэдэх Залуучуудын Холбоотой хамтран чуулганд оролцогч олон улсын төлөөлөгчдөд зориулсан хавсарга хөтөлбөрийг зохион байгуулав. Тус хөтөлбөрт болон ХБНГУ-ын ХАХНамын дэргэдэх Залуучуудын Холбооны Чуулганд МУ-ын төлөөлөл болж Ардчилсан Залуучуудын Холбооны Ерөнхийлөгч С.Эрдэнэболд, Ерөнхий нарийн бичгийн дарга М.Амгаланбаатар болон Бодлогын хорооны дарга Х.Номингэрэл нар оролцлоо. Хөтөлбөрийн хүрээнд ХБНГУ-ын Бундестагийн Ерөнхийлөгч Волфганг Шойбле, ХБНГУ-ын Шлесвиг-Холлштайн мужийн Ерөнхий сайд Даниел Гюнтер нартай хөтөлбөрт оролцогчид уулзаж, улс төрийн хэлэлцүүлэг өрнүүлсэн төдийгүй, ХБНГУ-ын Кийл хотноо байрлах Холбооны Усан цэргийн баазтай танилцсан байна.

ХБНГУ-ын ХАХНамын дэргэдэх Залуучуудын Холбооны энэ жилийн чуулган "Герман улс 2030: Тогтвортой чиглэл ба тодорхой зохицуулалт" сэдвийн хүрээнд зохион байгуулагдсан ба чуулганыг ХБНГУ-ын Бундестагийн гишүүн бөгөөд тус холбооны тэргүүн Паул Циймиак нээж үг хэлэв. Түүнчлэн чуулганд ХБНГУ-ын Канцлер Др. Ангела Меркел болон ХБНГУ-ын Эрүүл мэндийн сайд Енс Шпаан нар оролцож илтгэл сонордуулжээ.