Арга хэмжээний мэдээ
ХБНГУ-ын ХАХНам болон Монгол Улс дахь Ардчилсан Намын (AН) үзэл баримтлалын чиглэлийн ижил төстэй байдал дээр үндэслэн КАС нь Монгол Улсад 1993 онд суурин төлөөлөгчийн газраа нээх цагаас эхлэн АН-тай хамтын ажиллагаатай байж ирсэн.
АН нь 2017 онд дотоод шинэчлэлээ эхлүүлсэн ба тус үйл явцынхаа хүрээнд ХБНГУ-ын ХАХНамын амжилт болон туршлагыг судлаж байна. Уг үйл явцыг дэмжих зорилгоор КАС-аас ХБНГУ-ын ХАХНамын мэргэжилтнүүдийг Монголд урьж, АН-ын Үндэсний бодлогын хорооны гишүүдэд зориулан цуврал сургалт, воркшопууд зохион байгуулж байна. 2018 оны 04 дүгээр сард ХБНГУ-ын Заарланд мужийн парламентын гишүүн, тус мужийн ХАХНамын Ажил эрхлэгчдийн асуудал эрхэлсэн хорооны дарга, ноён Марк Шпайхер Монголд хүрэлцэн ирж “Улс төрийн намуудын менежмент 21 дүгээр зуунд - ХБНГУ-ын ХАХНамын жишээ” сэдвээр АН-ын Үндэсний бодлогын хорооны гишүүдэд танилцуулга хийж, хэлэлцүүлэг өрнүүллээ.
