Çështjet kryesore të trajtuara në sondazh
-
Marrëdhëniet dypalëshe Shqipëri-Greqi – 77% e shqiptarëve e shohin si shumë të rëndësishme ruajtjen e marrëdhënieve të mira me Greqinë.
-
Çështja Çame – 73% e të anketuarve kanë informacion mbi këtë temë, ndërsa 53% e shohin si pengesë për përmirësimin e marrëdhënieve.
-
Çështja e "Vorio Epirit" – Perceptohet si një pretendim nacionalist grek, por nuk ka të njëjtën ndjeshmëri sa çështja Çame.
-
Rasti Beleri – 52% e të anketuarve mendojnë se ka çështje më të rëndësishme sesa ky rast në marrëdhëniet mes dy vendeve.
-
Besimi te drejtësia shqiptare – 41% e të pyeturve besojnë se sistemi gjyqësor nuk është i pavarur dhe i paanshëm.
-
Kontributi i emigrantëve shqiptarë në Greqi – 96% e shqiptarëve e pranojnë rolin e emigrantëve në zhvillimin ekonomik të Greqisë.
-
Pozita e minoritetit grek në Shqipëri – 79% e të anketuarve besojnë se qeveria shqiptare respekton të drejtat e minoritetit grek.
-
Perceptimi mbi anëtarësimin e Shqipërisë në BE – Shqiptarët ndahen në dysh mbi dëshirën e grekëve për të mbështetur integrimin e Shqipërisë.
-
Marrëdhëniet ekonomike – 45% besojnë se të dyja vendet kanë përfituar njësoj, por 51% mendojnë se Greqia ka përfituar më shumë.
-
Qëndrimi ndaj grekëve dhe minoritetit grek – Shumica kanë qëndrime pozitive ose neutrale, me vetëm 1.2% që raportojnë marrëdhënie të këqija.
Sondazhi sjell një pasqyrë të rëndësishme mbi sfidat dhe mundësitë për forcimin e marrëdhënieve shqiptaro-greke. Lexoni raportin e plotë për të zbuluar më shumë mbi këto të dhëna dhe ndikimin e tyre në të ardhmen e këtyre marrëdhënieve.
---
Po i njëjti studim është realizuar edhe në Greqi nga Zyra e Fondacionit Konrad Adenauer për Greqinë dhe Qipron, me qëllim matjen e perceptimeve të qytetarëve grekë mbi këto çështje. Rezultatet mund t’i gjeni duke klikuar KËTU.