Zyra e Fondacionit Konrad-Adenauer në Shqipëri, në bashkëpunim me CHW, do të organizojë Konferencën e Diakonisë më 4-5 tetor 2024 në Pogradec. Diskutimet kryesore të konferencës do të fokusohen tek tema: "Cilat janë shtyllat e nevojshme për zhvillimin e mëtejshëm të shoqërisë civile shqiptare?" Përgjatë saj, do të diskutohen disa çështje të ndryshme, përfshirë efektet e reformës territoriale të vitit 2015, përgjegjësitë e njësive vendore në politikat sociale, si dhe roli i shtetit në shërbimet sociale për zonat rurale. Konferenca do të përfshijë ekspertë nga Shqipëria dhe Gjermania, si dhe përfaqësues të autoriteteve lokale dhe shoqërisë civile.
