Բացման խոսքով հանդես եկան Կոնրադ Ադենաուեր հիմնադրամի «Քաղաքական երկխոսություն Հարավային Կովկաս» տարածաշրջանային ծրագրի ղեկավար Շտեֆան Մալերիուսը և ԵՊՀ Եվրոպական ուսումնասիրությունների կենտրոնի փոխտնօրեն Լիլիթ Միրզոյանը։ Վերապատրաստման դասընթացին որպես փորձագետներ հանդես եկան ԵՊՀ միջազգային հարաբերությունների ֆակուլտետի քաղաքագիտության ամբիոնի դասախոս Նարեկ Գալստյանը, իրավաբանական գիտությունների թեկնածու, դոցենտ Տարոն Սիմոնյանը և քաղաքական գիտությունների դոկտոր, պրոֆեսոր, ԵՊՀ միջազգային հարաբերությունների ֆակուլտետի քաղաքագիտության և ամբիոնի վարիչ, Գերմանիայի Ֆրիդրիխ Շիլլերի անվան Յենայի համալսարանի քաղաքագիտության ինստիտուտի հրավիրված գիտնական Աշոտ Ալեքսանյանը։ Վերապատրաստման դասընթացը ներառում էր նաև տեխնոլոգիական կրթության մասին մոդուլ, որի շրջանակներում ուսուցիչները պատկերացում կազմեցին Հայաստանի Հանրապետությունում ներդրված էլեկտրոնային գործիքների վերաբերյալ։ Միաժամանակ, ուսուցիչներին տրամադրվեցին ձեռնարկներ, որտեղ զետեղված են նաև կիբերանվտանգության և տեղեկատվական անվտանգության ոլորտներին առչնվող մի շարք թեմաներ։ Այս մոդուլը վարեցին ձեռնարկի հեղինակներ, «Թվային Հայաստան» կազմակերպության նախագահ Սուրեն Քրմոյանը և «Թվային Հայաստան» կազմակերպության համահիմնադիր, ՏՏ ոլորտի փորձագետ Մերի Շերոյանը։ Մեթոդաբան, փորձագիտական խմբի անդամ Կարինե Հարությունյանը ներկայացրեց մեթոդական ձեռնարկի կառուցվածքը և ակտիվ մասնակցություն ունեցավ խմբային աշխատանքներում։ Դասընթացն իրականացվում է Կոնրադ Ադենաուեր հիմնադրամի, ԿԳՄՍ նախարարության և Երևանի պետական համալսարանի Եվրոպական ուսումնասիրությունների կենտրոնի համագործակցության արդյունքում տպագրված «Հասարակագիտություն» առարկայի ուսումնաօժանդակ և մեթոդական ձեռնարկների հիման վրա։
