Գրքի շնորհանդես
Մանրամասներ
Ինչպիսի՞ ազդեցություն են ունենում պատերազմները լուսանկարիչների մասնագիտական գործունեության վրա, ինչպե՞ս են նրանք ընկալում և իրենց լուսանկարների միջոցով արտացոլում պատերազմի ժամանակ և հետո տեղի ունեցող շրջապատի փոփոխությունները, մարդկային կյանքերը, ի՞նչ արձագանքներ են ստանում հասարակություններից և ինչպե՞ս են կարողանում լուսանկարիչներն ազդել պատերազմների հետևանքների և պատերազմի ժամանակ ծանր մարդկային պատմությունների հաղթահարման վրա, արդյո՞ք հակամարտությունները, պատերազմներն ու իրողությունները տարբեր են երկրից երկիր` ըստ իրականության և լուսանկարների:
Վերը նշված խնդիրները բարձրաձայնվեցին և քննարկվեցին Հայաստանի, Վրաստանի և Ուկրաինայի ֆոտոլրագրողների և վավերագրողների հետ։ Կատալոգը հրատարակվել է 2022 թվականի դեկտեմբերին ՀայԱրտ մշակութային կենտրոնում բացված «Զուգահեռ կյանք. Հայաստան, Ուկրաինա» ցուցահանդեսի շրջանակներում Կոնրադ Ադենաուեր հիմնադրամի և 4Պլյուս վավերագրական լուսանկարչության կենտրոնի համագործակցությամբ։ Կատալոգի էլեկտրոնային տարբերակը շուտով հասանելի կլինի մեր կայքում։
