Միջոցառոմ
Details
Բրյուսելի հետ Ասոցացման և Ազատ առևտրի մասին համաձայնագրի շուրջ ավելի քան քառամյա բանակցություններից հետո ՀՀ նախագահ Սերժ Սարգսյանն անցյալ տարվա սեպտեմբերի 3-ին ռազմավարական շրջադարձ կատարեց` հայտարարելով Հայաստանի` Ռուսաստանի կողմից գերիշխող Մաքսային Միությանն անդամակցելու մասին, ինչն ենթադրում էր ԵՄ-ին Հայաստանի ոչ սեղմ մոտեցման դիրքորոշում:
Սակայն Եվրոպան ավելին է, քան պարզապես մի քաղաքական միություն ու միասնական տնտեսական տարածք: Եվրոպան, դա նաև որոշակի արժեքների և գաղափարային պատկերացումների միասնությունն է: Կոնրադ Ադենուեր հիմնադրամը օգտագործեց նախագահ Սարգսյանի վիճահարույց որոշման հայտարարության տարեդարձի առիթը` Եվրոպան և եվրոպական նորմերը գովազդելու համար և “Երիտասարդ Առաջնորդների Դպրոցի” հետ համատեղ Երևանում հայ հասարակությանը ներկայացրեց հինգ տեսահոլովակ` սոցիալական գովազդ, որոնք նկարահանվել էին “Հայաստանի եվրոպական ապագայի դպրոց” (SEFA) նախագծի շրջանակներում: Տեսահոլովակներն ուղղված են երիտասարդ հանրությանը և հումորային ու ակնառու կերպով բացատրում են եվրոպական արժեքներն ու վարվելակերպը և դրանց հանդեպ, ցավոք սրտի, հաճախ արհամարհական վերաբերմունքը հայկական առօրյայում:
Ներկայացման ավարտին այս տարվա “Հայաստանի եվրոպական ապագայի դպրոց”-ի մասնակիցները Գյումրուց և Վանաձորից, ինչպես նաև անցյալ տարիների շրջանավարտները, տեսահոլովակների հեղինակների հետ քննարկեցին տեսահոլովակների թեմաները. օրենքի գերակայություն, ընտանեկան բռնություն, հերթի շրջանցում, կրթական ոլորտում ամբողջականության պահպանում, ինչպես նաև էկոլոգիական գիտակցություն:
Տեսահոլովակները առկա են նաև Youtube-ում. Պլանավորված է նաև հեռարձակում հեռուստատեսությամբ:
