Աշխատաժողով
Մանրամասներ
Սեպտեմբերի 13-ից 15-ը Կոնրադ Ադենաուեր հիմնադրամն անցկացնում էր “Հայաստանի եվրոպական ապագայի դպրոց” նախագիծը: Այն իր բնույթով Հայաստանի ԵՄ ինտեգրմանն ուղղված երկամյա թրեյնինգային շարքի ամփոփիչ միջոցառում էր: Միջոցառումն առանձնահատուկ արդիականություն ստացավ Հայաստանի վերջերս կայացրած` Ռուսաստանի կողմից ղեկավարվող Մաքսային միությանն անդամակցելու որոշմամբ:
Նպատակային խումբ էին հանդիսանում հայկական կառավարական և ոչ կառավարական կազմակերպությունների երիտասարդ աշխատակիցները: Նախորդ միջոցառումների ընթացքում մասնակիցները ծանոթացել էին եվրոպական ինտեգրման գործընթացի տարբեր փուլերի և ասպեկտների հետ և քննարկել ԵՄ-կառույցները, ինչպես նաև Հայաստանի` ԵՄ ինտեգրման հավանականությունը: Եռօրյա վորկշոփի շրջանակներում երիտասարդ մասնակիցները ոչ միայն հնարավորություն ունեցան շփվել քաղաքականության ու գիտության նշանավոր դեմքերի հետ` Հայաստանի արտաքին քաղաքականությանն ուղղված թեմաներով, այլ կարողացան նաև Հայաստանի եվրոպական մոտեցման օժանդակությանն ուղղված հստակ նախագծեր զարգացնել և ներկայացնել: Վորկշոփի ավարտին մասնակիցներին պատվոգրեր հանձնեց Հայաստանում Եվրոպական միության պատվիրակության ղեկավար Տրայան Հրիստեան: Նա նաև պատրաստակամություն հայտնեց օժանդակել նախագծերի իրականացմանը:
