Միջոցառման մասին զեկույցներ
ԳԴՀ Բունդեսթագի Արտաքին հարաբերությունների հանձնաժողովի անդամ, ինչպես նաև խորհրդարանական ՔԴՄ/ՔՍՄ խմբակցության ղեկավար, պատգամավոր Մանֆրեդ Գրունդը Արևելյան գործընկերությանը նվիրված գագաթաժողովի նախօրեին զեկույց ունեցավ, որն ուղղված էր ԵՄ-Հայաստան հարաբերությունների հեռանկարներին: ԱԺ Արտաքին հարաբերությունների հանձնաժողովի ղեկավար Արտակ Զաքարյանը ազդարարեց երկխոսության սկիզբը և լուսաբանեց ԵՄ-Հայաստան ներկայիս և հետագա հարաբերությունների հիմնական չափորոշիչները: Մանֆրեդ Գրունդի զեկույցին անմիջապես հաջորդեց բաց երկխոսություն:
Ներկաների առջև ծավալած իր զեկույցում Մանֆրեդ Գրունդը շեշտեց, որ ԱլԳ-ը Եվրոպական Հարևանության քաղաքականության բաղկացուցիչ մաս է, միևնույն ժամանակ դեռ կայացման փուլում է:
Հաշվի առնելով Ուկրաինայում տեղի ունեցած իրադարձությունները և ԱլԳ-ի 6 երկրների արտաքին քաղաքական տարբեր ուղղվածությունները (դրա վառ օրինակը ՌԴ-ի կողմից ստեղծված Եվրասիական միությանը Հայաստանի անդամակցության խնդրահարույց լինելն էր)՝ ԵՄ-ը ջանում է հարմարեցնել իր հարևանության քաղաքականությունը 6 երկրների արտաքին քաղաքական կողմնորոշումներին: ԵՄ-ի Հարևանության քաղաքականությունը պետք է լինի տարբերակված, անհատական և ըստ քաղաքական պահանջների, ասաց խորհրդարանական ՔԴՄ/ՔՍՄ խմբակցության ղեկավար Մանֆրեդ Գրունդը:
Նա նաև շեշտեց, որ ԵՄ-ը նպատակ ունի Հայաստանի հետ համագործակցություն ծավալել այնպիսի ոլորտներում, ինչպիսին են, դատական և իրավական պետության ստեղծման բարեփոխական ծրագրերի իրականացում, քաղաքացիական հասարակության ձևավորում և պայքար կաշառակերության դեմ, նույնսիկ առանց ասոցացման պայմանագիրը վերանայելու և խորացնելու: Մանֆրեդ Գրունդի կարծիքով վերոնշյալ ոլորտներում համագործակցությունն ընդլայնելու դեպքում հաղթահարելի կլինի Արևելք-Արևմուտք հակամարտությունը:
ԱԺ Արտաքին հարաբերությունների հանձնաժողովի ղեկավար Արտակ Զաքարյանը շեշտեց, որ կառավարությունը նախատեսում է ԵՄ-ի և Հայաստանի միջև Ռիգայում ԱլԳ-ան գագաթաժողովում նոր համաձայնագրի ստորագրում:
Ծավալված ակտիվ բանավեճի շրջանակներում բարձրացվեցին նաև անվտանգության և տնտեսաքաղաքական ոլորտին վերաբերող հարցեր, ինչպես օրինակ Լեռնային Ղարաբաղի հակամարտության կարգավորման հիմնահարցը և ԵՏՄ-ին անդամակացելու դեպքում Հայաստանի տնտեսական առավելություններն ու բացերը: