კონრად ადენაუერის სახელობის ფონდის ძირითადი პრინციპებია: თავისუფლება, სამართლიანობა და სოლიდარობა. ჩვენი ორგანიზაცია არის პოლიტიკური ფონდი, რომელიც გერმანიის ქრისტიან–დემოკრატიული პარტიის მრწამსს იზიარებს. კონრად ადენაუერმა გააერთიანა ქრისტიანული, სოციალური, კონსერვატორული და ლიბერალური შეხედულებები და სხვებთან ერთად დააარსა ქრისტიან–დემოკრატიული პარტია. მისი სახელი, ომის შემდგომ, დანგრეული გერმანიის აღმშენებლობას უკავშირდება. ასევე მისი დამსახურებაა, რომ გერმანიის ეკონომიკამ სოციალური საბაზრო ეკონომიკის კურსი აიღო. ადენაუერის იდეები ჩვენთვის დღემდე მისაბაძია და დიდ პასუხისმგებლობასაც გვაკისრებს.
ჩვენი ევროპული და საერთაშორისო საქმიანობით, ვცდილობთ ხელი შევუწყოთ ადამიანების ღირსეულ ცხოვრებას, რაშიც გერმანიას დიდი წვლილის შეტანა შეუძლია.
ჩვენი დიდი სურვილია, ადამიანები ჩავრთოთ საერთო მომავლის შექმნაში. ამ მიზნით, ჩვენს ფონდს მსოფლიოში, 70–ზე მეტი წარმომადგენლობა ჰყავს და 120–ზე მეტ პროექტს ვახორციელებთ, რათა ხელი შევუწყოთ დემოკრატიის, სოციალური საბაზრო ეკონომიკისა და სამართლიანობის განვითარებას. გარდა ამისა, ჩვენ აქტიურად ვთანამშრომლობთ სხვადასხვა კულტურებისა და რელიგიების დაახლოების სფეროშიც.
ჩვენი საქმიანობის ცენტრში დგას ადამიანი თავისი ღირსებებით, უფლებებითა და მოვალეობებით. ჩვენს ფონდს სწორად მიაჩნია არსებული ცოდნის გაზიარება, იმისათვის, რომ გლობალიზაციის პროცესი უფრო ეფექტურად წარიმართოს.
კონრად ადენაუერის სახელობის ფონდს პარტნიორული ურთიერთობები აქვს სახელმწიფო ინსტიტუციებთან, პარტიებთან, სამოქალაქო ორგანიზაციებთან. ღირებულებებზე ჩვენეული შეხედულებების მიხედვითა და მიზნებით გვსურს, რომ სამხრეთ კავკასიაში თანამშრომლობა გავაგრძელოთ რეგიონალურ და გლობალურ დონეზე და წვლილი შევიტანოთ განვითარების პოლიტიკაში. ჩვენს პარტნიორებთან ერთად, აქტიურად ვმონაწილეობთ საერთაშორისო წესრიგის დამყარებაში, რაც საბოლოო ჯამში, ყველა ქვეყანას მისცემს საშუალებას განვითარდეს თავისუფლად.
რეგიონული პროგრამის „სამხრეთ კავკასიის პოლიტიკური დიალოგი“ სათავო ოფისი მდებარეობს ქ. თბილისში, ხოლო სამეკავშირეო ოფისი ქ. ერევანში.
საქართველოში, კონრად ადენაუერის სახელობის ფონდი, შეიმუშავებს და ახორციელებს პროექტებს შემდეგი მიმართულებით:
- პოლიტიკური პარტიების ხელშეწყობა
- პოლიტიკური განათლება და სამოქალაქო საზოგადოების ხელშეწყობა
- რელიგია და ღირებულებები
- საგარეო და უსაფრთხოების პოლიტიკა (ევროპული ინტეგრაციისა და კონფლიქტების ტრანსფორმაციის ჩათვლით)
სომხეთში, კონრად ადენაუერის სახელობის ფონდის საქმიანობა უკავშირდება შემდეგ თემებს:
- პოლიტიკური პარტიების ხელშეწყობა
- კანონის უზენაესობა და კარგი მმართველობა
- პოლიტიკური განათლება და სამოქალაქო საზოგადოების ხელშეწყობა
- კულტურა და პოლიტიკა
- საგარეო და უსაფრთხოების პოლიტიკა
გარდა ამისა, კონრად ადენაუერის სახელობის ფონდი სამხრეთ კავკასიაში, ახორციელებს საქმიანობას ევროკავშირის აღმოსავლეთ ევროპის ქვეყნების პარტნიორობის ფარგლებში, რომლის მიზანია, აღმოსავლეთ ევროპის პარტნიორობის ექვსივე ქვეყანაში, სამოქალაქო საზოგადოების ხელშეწყობა და ევროპული ინტეგრაციის მხარდაჭერა.
კონრად ადენაუერის სახელობის ფონდი სამხრეთ კავკასიაში, პროექტების მიხედვით, მკაფიოდ რეგიონული ხასიათის მატარებელია. ღონისძიებები მიზნად ისახავს, რეგიონის მასშტაბით, პოლიტიკურ და სოციალურ დონეზე, საგარეო და უსაფრთხოების პოლიტიკის დიალოგის მხარდაჭერას, რომელიც ორმხრივი და სამმხრივი თანამშრომლობის გაძლიერებას და რეგიონის სამივე ქვეყანაში, აზროვნებისა და მოქმედების უნარების ჩამოყალიბებას უწყობს ხელს.