Семинар
Details
Фондацијата Конрад Аденауер организира настан наменет за новата пратеничка група на ВМРО-ДПМНЕ и Коалицијата, со цел напредна обука за подобрување на вештините за комуникација со јавноста, отвореност и транспарентност. Настанот ќе се одржи од 18 до 20 октомври во Крушево.
Како своја темелна заложба, Фондацијата Конрад Аденауер силно се стреми кон поддршка на политичките претставници на граѓаните во највисоките преставнички тела за зголемување на нивните капацитети, отчетност, транспаретност и нудење мерки и политики за справување со предизвиците.
Тридневниот настан ќе се осврне на теми како што се собраниските процедури и улогата на пратениците во парламентарното мнозинство, ефикасни модели на односи со јавност, креирање и споделување клучни комуникациски пораки, успешен пристап за јавен настап во интервју и јавна дебата, како и развој на стратегии и пристап кон дигитални медиуми.
Во рамки на настанот свои обраќања ќе имаат и Даниел Браун, Официјален претставник на Фондацијата Конрад Аденауер, Христијан Мицкоски, Претседател на Владата и Претседател на ВМРО-ДПМНЕ, како и Никола Мицевски, Координатор на пратеничката група на ВМРО-ДПМНЕ и Коалицијата.
Обуката ќе биде спроведена од страна на експерти од областа на односите со јавност.
Овој вид на обука и успешна соработка со пратеничката група на ВМРО-ДПМНЕ и Коалицијата е воспоставен од 2020 година, со цел континуирано унапредување на вештините и капацитетите на пратениците.
